სურსათის ეტიკეტირების
ახალ წესთან დაკავშირებით საქართველოს გარემოს დაცვისა და სოფლის მეურნეობის
მინისტრთან გამართული კონსულატციების შედეგად, მიღწეულ იქნა შეთანხმება გარდამავალი
პერიოდის რეგულაციაზე, რაც კომპანიებს შესაძლებლობას
აძლევს მიმდინარე წლის პირველ სექტემბრამდე
მოახდინონ ტექნიკური რეგლამენტით გათვალისწინებული მოთხოვნების შესაბამისობაში მოყვანა. ინტენსიური კომუნიკაციის
ფორმატში მოხდება კომპანიებისთვის რეკომენდაციების გაცემა და სახელმძღვანელო მითითებების (გაიდლაინი) სრულყოფა და
არსებულის დაზუსტება.
ამასთან დაკავშირებით 13 თებერვალს ასოციაციის წევრი კომპანიებისათვის საქართველოს სავაჭრო-სამრეწველო პალატაში გაიმართა სამუშაო შეხვედრა სსიპ სურსათის ეროვნული სააგენტოს თანამშრომლებთან, სადაც
განხილულ იქნა ,,მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტით გათვალისწინებულ მოთხოვნებთან დაკავშირებით დეტალური პრობლემები და რეკომენდაციები სახელმძღვანელო მითითებების (გაიდლაინი) სრულყოფისა და
არსებულის დაზუსტების თაობაზე. შეხვედრას 30-მდე სადისტრიბუციო კომპანიის
წარმომადგენელი ესწრებოდა.